Thaenaaram | Tamil Obituary Notices | Remembrance Notices | Tamil Death Notices

காணாமல் போன 27 வயதான கடற்படை சிப்பாய் சடலமாக மீட்கப்பட்டார்

நெடுந்தீவு கடலில் காணாமல் போன கடற்படை சிப்பாய் அனலைதீவு கடலில் நேற்று செவ்வாய்க்கிழமை சடலமாக மீட்கப்பட்டார்.

கண்காணிப்பு நடவடிக்கையில் ஈடுபட்டிருந்தபோது காரைநகர் மற்றும் நெடுந்தீவு கடற்படையினருக்கு சொந்தமான படகுகள் நேற்று முன்தினம் மோதி விபத்துக்குள்ளாகியிருந்தன.

இதில் கடற்படை சிப்பாய் ஒருவர் காணாமல் போயிருந்தார். இந்நிலையிலேயே அவர் சடலமாக மீட்கப்பட்டார். இவ்வாறு சடலமாக மீட்கப்பட்டவர் கம்பளையை சேர்ந்த சாகர பியந்த ஜயசேகர (வயது -27) என்பவராவார்.

விபத்தில் சிக்கிய 52 வயதானவர் மரணம்

விபத்தில் சிக்கி படுகாயமடைந்த நபர் ஒருவர் சிகிச்சை பலனின்றி உயிரிழந்துள்ளார்.

இவ்வாறு உயிரிழந்தவர் நுணாவில் கைதடியைச் சேர்ந்த சுப்பர் சுதாகர் (வயது- 52) என்பவராவார்.

கடந்த ஞாயிற்றுக்கிழமை கைதடி பாலத்தடியிலிருந்து கைதடிப் பிள்ளையார் கோவிலை நோக்கி சைக்கிளில் சென்று கொண்டிருந்த அவரை பின்னால் வந்த மோட்டார் சைக்கிள் மோதியுள்ளது.

இதில் படுகாயம் அடைந்த அவர் மீட்கப்பட்டு யாழ். போதனா வைத்தியசாலைக்கு சிகிச்சைக்காக அனுமதிக்கப்பட்டிருந்த நிலையில் நேற்று முன்தினம் காலை சிகிச்சை பலனின்றி உயிரிழந்தார்.

இம் மரணம் தொடர்பில் யாழ். போதனா வைத்தியசாலை மரண விசாரணை அதிகாரி நமசிவாயம் பிறேம்குமார் மரண விசாரணைகளை மேற்கொண்டதுடன் பிரேத பரிசோதனைக்கு உத்தரவிட்டார்.

இவ் விபத்துத் தொடர்பில் சாவகச்சேரி பொலிஸார் மேலதிக விசாரணைகளை மேற்கொண்டுள்ளனர்.